શ્રીમદ્ રાજચંદ્ર વિદ્યાપીઠમાં પૂરા પાડવામાં આવતા બધા અભ્યાસક્રમ પૂર્ણ-સમયના છે.

શ્રીમદ્ રાજચંદ્ર વિદ્યાપીઠ વીર નર્મદ દક્ષિણ ગુજરાત યુનિવર્સિટી સાથે સંલગ્ન છે.

પ્રવેશ ની તારીખ માટે વિદ્યાર્થીઓ યુનિવર્સિટી વેબસાઇટ (www.vnsgu.ac.in) ની મુલાકાત લેવાની અથવા અખબારોની માહિતી લેવાની જરૂર છે. બી.એસસી. માં પ્રવેશ. 12 મા ધોરણ ના પરિણામો જાહેર થયા પછી શરૂ થાય છે અને એમ.એસસી. માટે ટી.વાય.બી.એસસી. નું પરિણામ VNSGU દ્વારા જાહેર થયા પછી પ્રવેશ શરૂ થાય છે.

બી.એસસી. ના અભ્યાસક્રમમાં પ્રવેશ મેળવવા માટે વિદ્યાર્થીએ ગુજરાત ઉચ્ચતર માધ્યમિક શિક્ષણ બોર્ડ (જી.એચ.એસ.એસ.ઇ.બી.) અથવા અન્ય સમકક્ષ માન્યતા પ્રાપ્ત બોર્ડ જેમ કે સી.બી.એસ.ઈ. / આઈ.સી.એસ.ઈ. દ્વારા વિજ્ઞાન પ્રવાહમાં 12 મું ધોરણ (એચ.એસ.સી.) પાસ કરેલ હોવું આવશ્યક છે.

ઉમેદવારે એમ.એસસી. માં પ્રવેશ માટે વિજ્ઞાન શાખા ના સંબંધિત વિષય માં સ્નાતક હોવું આવશ્યક છે.

વી.એન.એસ.જી.યુ.ના ધારાધોરણ મુજબ, વિદ્યાર્થીએ ઓછામાં ઓછી વાર્ષિક હાજરી ૭૦% પ્રાપ્ત કરવી જરૂરી છે.

શ્રીમદ્ રાજચંદ્ર વિદ્યાપીઠ દ્વારા સંપૂર્ણ પ્લેસમેન્ટ ની સહાય જેવી કે કાઉન્સેલિંગ, સીવી લેખન માટેની તાલીમ, કમ્યુનિકેશન, મોક ઇન્ટરવ્યુ અને નિયમિત સહાય થકી રોજગાર માટે ઇચ્છુક વિદ્યાર્થીઓને શ્રેષ્ઠ પ્રયત્નના આધારે ગ્રેજ્યુએશન / પોસ્ટ ગ્રેજ્યુએશન પછી નોકરી સુરક્ષિત કરવા સહાય પૂરી પાડવામાં આવે છે. શ્રીમદ્ રાજચંદ્ર વિદ્યાપીઠ આ વિસ્તારની પ્લેસમેંટ સેલ ધરાવતી કેટલીક કોલેજોમાંની એક કોલેજ છે જે વિદ્યાર્થીઓને કાર્યક્ષેત્રની દુનિયામાં પર્યાપ્ત સંપર્કમાં આવે તે સુનિશ્ચિત કરવા માટે સંબંધિત ઉદ્યોગ અને કોર્પોરેટ સંસ્થાઓ સાથે સક્રિયપણે નેટવર્કમાં જોડાયેલ છે . વધુ વિગતો માટે કૃપા કરીને કોલેજ પ્લેસમેન્ટ અધિકારીનો સંપર્ક કરવો.

દરેક કોર્સ માટેની વાર્ષિક ફી VNSGU ફી બંધારણ મુજબ છે.
બી.એસસી. ફી માળખું
Download M.Sc Fee Structure
Download PGDMLT Fee Structure

એસસી / એસટી વિદ્યાર્થી ફ્રી શીપ કાર્ડ યોજના હેઠળ ૧૦૦% શિષ્યવૃત્તિ માટે અરજી કરવા પાત્ર છે. કોલેજ પાત્રતા ધરાવતા વિદ્યાર્થીઓને તેમના ફોર્મ ભરવા અને સબમિટ કરવામાં સહાય કરશે.
શ્રીમદ્ રાજચંદ્ર વિદ્યા વિકાસ યોજના અંતર્ગત યોગ્ય વિદ્યાર્થીઓને આર્થિક સહાય ના ભાગ રૂપે શિષ્યવૃત્તિ અને લોન આપવામાં આવે છે. વધુ વિગતો માટે કૃપા કરીને કોલેજ વહીવટી કચેરીનો સંપર્ક કરવો.

શ્રીમદ્ રાજચંદ્ર વિદ્યાપીઠમાં દ્વારા દર વર્ષે ઔદ્યોગિક મુલાકાત અને ઇન્ટર્નશીપની વ્યવસ્થા કરવામાં આવે છે જે વિદ્યાર્થીઓને ઔદ્યોગિક પ્રશિક્ષણ અને સૈદ્ધાંતિક જ્ઞાન નું પ્રાયોગિક અમલીકરણ માં મદદરૂપ રહે છે.

કોલેજ દરેક વિદ્યાર્થીઓના સર્વાંગી વિકાસમાં માને છે. શૈક્ષણિક શ્રેષ્ઠતા ઉપરાંત, અમે વિદ્યાર્થીઓને વિવિધ સાંસ્કૃતિક અને રમતગમતના કાર્યક્રમોમાં ભાગ લેવા પ્રોત્સાહિત કરીએ છીએ. કોલેજ દ્વારા આપવામાં આવતી આધુનિક અને સુસજ્જ માળખાકીય સુવિધા વિધ્યાર્થીઓ ને યોગ, સંગીત, નૃત્ય, ઇવેન્ટ્સ, ઇન્ડોર અને આઉટડોર રમત, કલા, વગેરે જેવી ઇત્તર પ્રવૃત્તિ માં કુશળ અને પ્રતિભાશાળી બનવા માટે અનુકૂળ વાતાવરણ પૂરું પાડે છે.

શ્રીમદ રાજચંદ્ર વિધ્યાપીઠ મજબૂત પાયકીય, સૈદ્ધાંતિક વૈજ્ઞાનિક સમજણ દ્વારા વિદ્યાર્થીઓને બૌદ્ધિક, ભાવનાત્મક અને કુશળતાના ભાવિ વિકાસ માટે સેમિનાર, વર્કશોપ , ઔદ્યોગિક મુલાકાત, ઇન્ટર્નશિપ, મૂલ્ય આધારિત શિક્ષણ અને લાઈફ સ્કીલ ટ્રેનીંગ પ્રોગ્રામ થકી બહોળું પ્લેટફોર્મ પ્રદાન કરે છે.

શ્રીમદ્ રાજચંદ્ર વિદ્યાપીઠ એ શ્રીમદ્ રાજચંદ્ર લવ અને કેર પ્રોગ્રામ નો ભાગ છે જે શ્રીમદ્ રાજચંદ્ર મિશન, ધરમપુર ની સામાજિક પ્રવૃત્તિ નો અંશ છે. આ કોલેજની સ્થાપના કોઈપણ વ્યાપાર લક્ષી ઉદ્ધેશ્ય વિના કરવામાં આવી છે, જે દાતાઓ નું યોગદાન પ્રાપ્ત કરે છે.

કોલેજ વિદ્યાર્થીઓ અને વિદ્યાર્થીનીઓ માટે નજીક ના છાત્રાલય માં માર્યાદિત સંખ્યા અને ઉપલબ્ધતા ના અનુસંધાનમાં આવાસની સુવિધા પૂરી પાડવામાં સહાય કરે છે.

કોલેજ કેમ્પસમાં જ પાર્કિગની સુવિધા ઉપલબ્ધ હોવાને કારણે વિદ્યાર્થીઓને તેમના અંગત વાહનો લાવી શકે છે જેથી તેમને અવર જવરમાં સરળતા રહે. જે લોકો સાર્વજનિક પરિવહન નો ઉપયોગ કરવા માગે છે, તેઓ માટે ધરમપુર બસ ડેપો અને શ્રીમદ રાજચંદ્ર વિદ્યાપીઠ કેમ્પસ વચ્ચે એસ.ટી. બસની સેવા સમયાંતરે સરળતાથી ઉપલબ્ધ છે. કૃપા કરીને તમારા મુસાફરીની સરળતા માટે એસ.ટી. બસની આગમન-પ્રસ્થાનના સમયપત્રક વિષે માહિતી મેળવી લેવી.