દ્રષ્ટિ અને હેતુ

દરેક બાળકને સમાજના મુખ્ય પ્રવાહમાં જોડાવા સમાન તક પ્રાપ્ત થવી જોઈએ. આ ફિલસૂફી પ્રમાણે અમારી બધી પ્રવૃત્તિઓ આવી તકોથી વંચિત રહી જનાર ગ્રામ્ય વિસ્તારના યુવાવર્ગના વિકાસને કેન્દ્રમાં રાખીને આયોજિત કરવામાં આવે છે. વિદ્યાર્થીઓમાં છુપાયેલી સંભાવનાને ઉજાગર કરવા અપ્રગટ સામર્થ્યના પ્રાગટ્ય માટે તેમને સક્ષમ બનાવવા અમારા કર્તવ્યથી પણ આગળ વધી તેમને દરેક તબક્કે મદદરૂપ બનવા પર અમે નિર્ધારિત છીએ, પછી તે અભ્યાસક્રમ હોય કે સામાજિક ભાવનાત્મક જરૂરિયાત હોય.

અમારું માનવું છે કે ભવિષ્યની પેઢીને આવતીકાલના યુવાનોને માત્ર તીવ્ર બુદ્ધિથી જ નહીં પણ નરમ હૃદયથી પણ સજ્જ થવું જરૂરી છે. તેમના અભ્યાસક્રમમાંથી જેટલું શીખવું જરૂરી છે, તેટલું જ તેઓ પોતાને ઓળખે અને તેમના વિદ્યાર્થી જીવનને આકાર આપે તે પણ જરૂરી છે. અભ્યાસક્રમ મુજબના જ્ઞાન સાથે તેમનો સર્વાંગી વિકાસ થાય તે માટે તેમના બૌદ્ધિક, ભાવનાત્મક અને કૌશલ્ય વિકાસ અર્થે ૩૬૦° કાર્યક્રમનું આયોજન કરવામાં આવ્યું છે; જેમાં સમાવેશ થાય છે સૅમિનાર, વર્કશોપ, બહારના તજજ્ઞો સાથે વિચારવિમર્શ, ઔદ્યોગિક એકમની મુલાકાત તથા ત્યાં ઇન્ટર્નશિપ, મૂલ્ય આધારિત જીવનકળાની તાલીમ વગેરે અભિનવ અંગોનો. આ દરમ્યાન, સ્પષ્ટ પણે શૈક્ષણિક વિકાસ માટે વિદ્યાર્થિની વૈચારિક શક્તિ અને ગ્રાહ્યતા પર વ્યક્તિગત દેખરેખ રાખવામાં આવે છે.

અમારું માનવું છે કે સાચી સફળતા માટે મૂલ્યોનો આધાર આવશ્યક છે. હોકાયંત્રની જેમ, મૂલ્યો જીવનને સકારાત્મક દિશામાં આગળ વધવામાં મદદરૂપ થાય છે અને કુટુંબ, સમાજ અને રાષ્ટ્ર માટે ઉપયોગી સંપત્તિ બની રહે છે. કોલેજમાં પ્રામાણિકતા, પવિત્રતા, પારદર્શિતા અને શિસ્તના ઉચ્ચ ધોરણનું પાલન કરવામાં આવે છે, જે દ્વારા વિદ્યાર્થીઓ આ મુલ્યોને આત્મસાત્ કરવાના પ્રયત્નો કરે છે. આજુબાજુના નકારાત્મક પ્રભાવોથી દૂર રહેવા અને વિદ્યાર્થીઓમાં મજબૂત નૈતિક સભાનતા લાવવા માટે કોલેજમાં નિયમિતપણે પ્રેરણાત્મક અને ચિંતનાત્મક સત્રો યોજવામાં આવે છે.

નિરંતર કેળવણીના સ્તંભ ઉપર કોલેજનું નિર્માણ કરવામાં આવ્યું છે. નિષ્ઠા અને ધગશથી આ કૉલેજ નવા નવા ઉપાયો અને સાધનો માટે નિરંતર જાગૃત રહે છે જેથી વધુ સારું વાતાવરણ સર્જાય. આ ઉપરાંત, કર્મચારીઓ અને વિદ્યાર્થીઓને તેમની ક્ષિતિજને વિસ્તૃત કરવા, તેમના જ્ જ્ઞાન અને કૌશલ્યમાં વૃદ્ધિ કરવા અને નવીન ઉકેલો શોધવાની સતત તકો મેળવવા માટે પ્રોત્સાહિત કરવામાં આવે છે. નિરંતર પ્રગતિની યાત્રાને આગળ વધારવા માટે તમામ સંકુલમાં માં વિકાસની માનસિકતા કેળવવાય એની કાળજી લેવામાં આવે છે.

શ્રીમદ્ રાજચંદ્ર મિશન ધરમપુરના સેવાયજ્ઞ શ્રીમદ્ રાજચંદ્ર લવ એન્ડ કેર અંતર્ગત આ સંસ્થાનું નિર્માણ જ થયું છે સેવાના વિચારથી. આ સંસ્થાનું નેતૃત્વ તેમજ વ્યવસ્થાપન નિષ્કામ સેવાને નિષ્ઠાપૂર્વક વરેલા છે. તેથી જ અહીં કામ કરતાં કાર્યકર્તાઓને ‘સેવાર્પિત’ તરીકે સંબોધવામાં આવે છે કે જે કર્મચારીઓની ઉચ્ચ પ્રતિબદ્ધતાસભર નેતૃત્વ અને કર્મચારીઓના સેવા લક્ષી સમાન હેતુ સૂચિત કરે છે. વિદ્યાર્થીઓને સ્થાનિક સમાજ સેવાના કાર્યોમાં સક્રિયપણે સ્વયંસેવક બનવા માટે પણ પ્રોત્સાહિત કરવામાં આવે છે.